“Si nëpër filma...”, kështu e konsiderojnë mediat italiane ndjekjen e makinës BMW-së, mëngjesin e kësaj të diele, e cila drejtohej nnga 39-vjeçari shqiptar Erjol Nako, i cili tentoi t’i shpëtonte karabinierëve nëpër rrugët e Romës. Ai theu postbllokun e policisë në Vatikan ndërsa karabinierët vijuan ndjekjen e tij.
Të gjithë qytetarët përjetuan momente paniku në rrugë pasi nuk e dinin cili do të ishte veprimi i radhës. Gjatë arratisjes 39-vjeçari hodhi nga dritarja një portofol dhe një orë.
Pasi ka thyer postbllokun, në përpjekje për të ndaluar shqiptarin, karabinierët qëlluan me pistoletë në drejtim të rrotave të BMW-së, por 39-vjeçari nuk hoqi dorë dhe u nis drejt rrugës “Conciliazione”. Ndjekja e guximshme përfundoi në via Gregorio XII me një makinë policie të vendosur matanë rrugës.
Ai u përplas me policinë ku mbetën të plagosur 2 efektivë, por janë jashtë rrezikut për jetën. Pavarësisht se u ndal, 39-vjeçari mbeti i bllokuar në automjet duke detyruar oficerët të thyenin xhamin e makinës.
Në videon e publikuar nga mediat italiane duket se si efektivët e rrethojnë, i thyejnë xhamin e makinës dhe e nxjerrin me forcë. Shqiptari tenton të largohet por e shtrijnë në tokë dhe e neutralizojnë me mjet paralizues.
Ky është momenti kur policia italiane ndalon 38-vjecarin shqiptar Erjol Nako në rrugët e Romës. Edhe pse i rrethuar nga 3 makina dhe mbi 8 efektivë, shqiptari mbyll xhamat e makinës që të mos dorëzohet.
Në videon e publikuar nga mediat italiane duket se si efektivët e rrethojnë, i thyejnë xhamin e makinës dhe e nxjerrin me forcë. Shqiptari tenton të largohet por e shtrijnë në tokë dhe e neutralizojnë me mjet paralizues.
39-vjeçari shqiptar që tentoi të arratisej në Romë është i njohur për policinë italiane pasi është kapur më parë me drogë si dhe është akuzuar për dhunë në familje.
Ndonëse ende nuk dihet identiteti i tij, mediat italiane thonë se mund të ishte nën efektin e lëndëve narkotike kur po i ikte policisë pasi hodhi portofolin dhe orën nga dritarja e makinës. Kjo tregon gjendjen e tij të pasigurt psikologjike ndërsa mbetet për tu mësuar nëse kishte diçka tjetër përvec parave në portofol, me të cilin donte të shpërqendronte policinë.
