Kutia e 'kremit', mekanizmi dhe vendi ku e kishte fshehur shqiptari (me shigjetë)

Bota

Itali/ 'Biznes' kokaine në parkingun e varrezave të qytetit, arrestohet 30-vjeçari shqiptar! Droga fshihej në krem fytyre, e tradhtoi nervozizmi

2 Shkurt, 21:58| Përditesimi: 2 Shkurt, 22:07

  • Share

Parma- Karabinierët italianë në Fidenza të Parmës arrestuan një 30-vjeçar shqiptar për shitje kokaine, teksa zbuluan edhe një mekanizëm dhe teknikë të veçantë të përdorur nga tregtari i drogës.

Aksioni u krye në zonën ku ndodhet edhe parkingu i mjeteve, në varrezat e Cabriolos. Aty efektivët konstatuan dy makina me motorin e ndezur. Në një prej mjeteve qëndronin dy persona dhe në tjetrin që kishte derën e hapur, një i tretë që iu afrua dhe u dha diçka në shkëmbim.

Në këtë moment karabinierët ndërhynë. Gjatë kontrollit, 30-vjeçarit shqiptar iu gjet sasia e drogës dhe 350 euro para të gatshme. Situata u bë edhe më e dyshimtë kur burri shfaqi ankth të mëtejshëm për mundësinë e shtrirjes së kontrollit në makinën e tij, duke u pozicionuar në mënyrë që të mbulonte një pjesë të caktuar të automjetit (pjesa e gomës së pasme, ku kishte një mekanizëm të çuditshëm). 

Shqiptari rezultoi se kishte krijuar një dhomëz të fshehtë brenda makinës, një sistem mekanik i ndërtuar vetë, që kishte pjesë metalike dhe magnetike, që e mbante të të ngjitur me mjetin. Aty ndodhej e puthitur një kuti, në dukje krem për fytyrën (në foto), ku ishin futur 10 doza kokaine me peshë 6 gramë, informon media italiane.

Shqiptari u arrestua, ndërsa në Itali kishte shkuar vetëm javët e fundit. Ndaj tij u vendos masa e ndalimit nga Gjykata e Parmës dhe më tej do bëhet dëbimi i tij. Kurse dy të tjerët u morën nën hetim.

A.Q/ReportTv.al
Komento

Komente

  • Sondazhi i ditës:

    Zgjedhjet e 11 majit, cila listë e kandidatëve iu bind më shumë?