Zbardhet skema e trafikut të kokainës nga dy vëllezër shqiptarë në Scandiano në Itali. Vëllezërit 37 dhe 34 vjeç e kishin kthyer shtëpinë e tyre në një "biznes" të shpërndarjes së drogës.
Ata janë arrestuar gjatë muajve të fundit ndërkohë që aktualisht ndodhen në masën e sigurisë arrest shtëpie.
Disa muaj më parë gjatë arrestimit të tyre u sekuestruan mbi 20 doza kokainë dhe një shumë prej 1500 eurosh cash. Gjithashtu iu sekuestruan dhe 2 makina të cilat i përdornin për të dërguar drogën tek klientët.
Mediat italiane bëjnë me dije se policia ka dokumentuar 1000 shitje ndërsa "biznesi" i tyre vijonte prej 5 vitesh në zonën e Scandianos.
Më i madhi prej vëllezërve u arrestua në fund të muajit gusht teksa dorëzoi një pako me 20 doza kokaine tek një klient. Atij iu konfiskuan sasia e drogës dhe 1500 euro cash ndërsa nga kontrolli në shtëpinë që e kishin kthyer në biznes iu gjetën dhe 13 doza të tjera kokaine si dhe peshore preçize.
Gjithashtu policia ra dhe në gjurmët e vëllait të vogël të cilin e arrestuan më pas.
Komente
Paskan ber namin si policia dhe ata dy vllezrit
Përgjigju