Itali- Një shqiptar është vrarë me thikë ndërsa është plagosur vëllai i tij pak pas mesnatës së 25 nëntorit në Marghera të Italisë. Krimi ka ndodhur gjatë një sherri në afërsi të stacionit të Mestres, “Via Rizzardi”, Venecia.
Policia italiane ka arrestuar 2 shtetas me origjinë nga Maqedonia e Veriut si autorë të dyshuar, shkruan agjencia italiane e lajmeve ANSA. Dinamika dhe shkaqet mbeten ende enigmatike, por sipas medias së vendit fqinj, krimi ka ndodhur në një zonë të cilësuar si territor i biznesit ilegal të lëndëve narkotike, ku dhe raportohet për ngjarje të shpeshta të dhunshme.
“Nga hetimet paraprake dyshohet se vrasja ka ardhur si pasojë e një përplasjeje të dhunshme, gjatë së cilës viktima ka pësuar plagë vdekjeprurëse me thikë, shkruan media italiane
Disa nga të pranishmit vunë re praninë e të paktën dy burrave, të identifikuar më pas si autorët e dyshuar të krimit, kurse sherri denigroi shumë shpejt në tragjedi.
Policia po e heton ngjarjen kryesisht në pistën e konflikteve për shkak të konflikteve për ndonjë biznes ilegal të dyshuar, kurse emrat e viktimës dhe autorëve nuk bëhen të ditur ende.
Komente
