Italia dhe Malta kanë mbyllur portat për emigrantët nga Lindja dhe Afrika e Veriut. Anija me 629 emigrantë që u shpëtuan mbrëmë në ujërat libiane është bllokuar në Mesdhe, pasi ministri i Brendshëm i Italisë, Mateo Salvini ka vendosur që ta ndalojë që të ankorohet në Itali.
Salvini ka deklaruar se emigrantët duhet t’i marrë Malta, jo vetëm Italia. Sipas tij, Franca i ndalon njerëzit në kufi, Spanja e mbron kufirin me armë, ndërsa Malta nuk mund të refuzojë kërkesën.
Malta nuk pranon askënd. Franca i ndalon njerëzit në kufi, Spanja e mbron kufirin me armë. Nuk është e mundur që Malta t’i thotë jo çdo kërkese ndihmë, pasi në fund të fundit, Zoti e ka vendosur më pranë Afrikës se sa Sicilia
Mateo Salvini
Por Malta reagoi duke deklaruar se anija me 629 emigrantë u shpëtua në ujërat libiane dhe janë nën juridiksionin e Italisë. E ndërsa debati vijon, emigrantët kanë mbetur në det në anijen Aquarius e organizatës bamirëse gjermane SOS Meditterranee. Qeveria e re italiane premtoi masa të forta kundër emigrantëve, ndërsa duket se me ndalimin e anijes me 629 emigrantë ka filluar edhe zbatimi i planit.