Pas pritjes në aeroport si të ishin heronj kombëtarja e Italisë është nderuar edhe nga figurat më të larta të shtetit. ‘Axurrët’ që në finalen e ‘Euro 2020’ mposhtën Anglinë me penallti pas 120 minutave me rezultatin 1-1, fillimisht ishin në Kuirinale ku u pritën nga presidenti Mattarella, ndërsa më pas rradha ishte e kryeministrit Mario Draghi.
Me kërkesë edhe të futbollistëve ekipi kombëtar bëri xhiron e triumfit në rrugët e Romës me një autobus të hapur. Gjatë gjithë kohës dëgjoje korin ‘ne jemi kampionë të Europës’, ndërsa turma elektrizohej sa herë që futbollistët ngrinin trofeun e Europianit. I gjithë stafi, duke përfshirë edhe stafin drejtues të kombëtares, u shprehën se ky titull është shpërblim për tifozët që kishin pritur kaq gjatë.
Ndërkohë heroi i kombëtares italiane, portieri Donaruma që u shpall edhe lojtari më i mirë i Europianit, ka shpjeguar momentin e ngrirjes kur priti penalltinë e Sakas-s dhe ‘axurrët’ u shpallën kampion Europe. 22-vjeçari është betuar se në ato momente nuk e kishte kuptuar që loja kishte mbaruar, ndërsa është çtensionuar vetëm kur shokët e skuadrës iu hodhën siper për të festuar.
Komente
Rrofte Italia!
Përgjigju