Italia do të luajë sonte një ndeshje që sjell kujtime aspak të bukura, pasi 4 vite më parë dështoi t’ia dilte kundër Suedisë. Gjithsesi sot është në kushte paksa më komode, pasi ‘play-off-in’ e Botërorit e ka të sigurtë, por rrezikon të humbasë biletën direkte që të dërgon në Katar.
Kjo në favor të Zvicrës që ndan vendin e parë me ‘axurrët’ me 15 pikë, por ‘helvetët’ renditen në vendin e dytë pasi kanë dy gola më pak të realizuar se italianët.
Sonte Italia luan në transfertën e Dublinit ku për vendin e parë duhet patjetër të fitojë dhe këtë ta bëjë me gola, pasi në të kundërt rrezikon ta mbyllë fushatën kulifikuese në vendin e dytë. Ndërkohë Zvicra pret në shtëpi Bullgarinë, një kombëtare që ashtu si Irlanda e Veriut nuk kanë pretendime për Botërorin e Katarit.
Në rast se Italia dhe Zvicra e mbylllin me pikë dhe golavarazh të barabartë atëherë vendin e parë e marrin ‘helvetët’ pasi kanë realizuar një gol në Romë para 3 ditëve në barazimin 1-1 kundër Italisë, ndërsa ndeshja e parë në Zvicër është mbyllur 0-0.
Ne.k./ReportTv.al