KORÇË- Dhjetë familje të fshatit Floq, në lagjen më të dëmtuar nga vala e tërmeteve të fillim qershorit, sot janë ngritur në protestë për të kundërshtuar vlerësimin e banesave të tyre.
Banorët shprehin pakënaqësi dhe irritim, duke treguar se fillimisht shtëpitë e tyre u vlerësuan si të pabanueshme, por pas një rivlerësimi banorwve u është bërë me dije se do të dëmshpërblehen për rikonstruksion të pjesshëm.
Sipas banoreve, të cilët pretendojnë se shtëpitë e tyre janë të rrënuara, ky vlerësim është qesharak dhe deri në një rivlerësim të drejtë ata do të ndalojnë punimet.
Të pamundur për të ndërtuar vetë shtëpitë e tyre ata druhen se stina e dimrit do i gjejë në qiell të hapur.
Nga të dhënat e fundit në fshatin Floq rezultojnë në total 88 banesa të dëmtuara, prej të cilave 18 janë vleresuar për rindërtim ,19 për rikonstruksion dhe 51 për dëmshpërblim.
Komente
