ELBASAN-Sot u sekuestruan pasuri me vlerë 700 mijë euro në pronësi të 33-vjeçarit K M. i cili është nipi i Nik Vojoçek ose Besnik Brakës i dënuar për trafik droge dhe korrupsion aktiv nga Gjykata e Krimeve të Rënda dhe ajo e Durrësit.
Por kush është i riu? Gazetari i Report Tv në Elbasan Aldo Kozarja thotë se 33-vjeçari njihet me nofkën Niku i Çufos, ndërsa ka qenë më parë i arrestuar me qëllim ekstradim në Itali, që dështoi.
Rreth dy vite më parë ai ia arriti që të mos ekstradohej në Itali, ndërkohë që ju vendos lëndë shpërthyese në lokalin e tij luksoz në Elbasan, 'Havana', por shpëtoi, ndërsa ngjarja është ende e pazbardhur.
K.M. ka disa biznese në Elbasan, ndërsa sekuestroja i është vendosur mbi materialet e mbërritura nga Italia për trafik droge.
