Kryeministri Benyamin Netanyahu u detyrua të ndërpresë një miting të Partisë së tij ‘Likud’ në Ashkelon, në jug të Tel Aviv, kur ranë sirenat e alarmit në qytet. Kryeministri u shoqërua më pas nga truprojat në një zonë të mbrojtur. Mediat raportuan se një raketë e shkrepur nga Gaza në drejtim të qytetit u eleminua nga sistemi i mbrojtjes ajrore të ‘Iron Dome’.
Edhe shtatorin e kaluar Netanyahu ishte I detyruar të largohej nga një miting partiak në qytetin e Ashdod, pas një sulmi tjetër me raketa palestineze të shkrepura nga Gaza. Sulmi iu atribua udhëheqësit ushtarak të Xhihadit Islam, Baha Abu al-Atta, I cili u vra gjatë një sulmi ajror izraelit në muajin nëntor.
Sipas analistëve, sulmi i sotëm u krye nga Xhihadi Islam. Zëdhënësi ushtarak izraelit ka konfirmuar gjithashtu se raketa u eleminua nga një bateri mbrojtëse e ‘Iron Dome’.
Si kundërpërgjigje Izraeli ka goditur disa objektiva ushtarakë si dhe një vendndodhje të Hamasit në very të Rripit të Gazës.
Komente
