Ushtria izraelite po bombardon edhe këtë të shtunë, Rripin e Gazës, përfshirë Rafahun, një ditë pasi Gjykata Ndërkombëtare e Drejtësisë e urdhëroi atë të ndalonte operacionet atje, mes përpjekjeve në Paris për të ndërmjetësuar një armëpushim midis Izraelit dhe Hamasit.
Gjykata Ndërkombëtare e Drejtësisë, autoriteti më i lartë gjyqësor i OKB-së, urdhëroi gjithashtu Izraelin të mbajë të hapur kalimin Rafah, i cili është thelbësor për hyrjen e ndihmave humanitare, por që është mbyllur që nga fillimi i operacionit tokësor në fillim të majit.
Por megjithatë, bombardimet izraelite vazhduan në Rripin e Gazës. Në të njëjtën kohë kanë edhe përplasjet mes ushtrisë izraelite dhe krahut të armatosur të Hamasit. Herët në mëngjes, sipas dëshmive të palestinezëve ka pasur sulme izraelite në jug të Rafahut si dhe në qendër
"Ne shpresojmë që vendimi i Gjykatës do të ushtrojë presion mbi Izraelin për t'i dhënë fund kësaj lufte shfarosjeje, sepse nuk ka mbetur asgjë këtu," thonë vendasit për mediat ë huaja.
Të paktën dhjetë palestinezë, duke përfshirë fëmijë dhe gra, u vranë ndërsa shumë të tjerë u plagosën sot në një sulm ajror izraelit në një shtëpi në qytetin Beit Hanoun, në veri të Rripit të Gazës.
Lajmin e bën të ditur agjencia palestineze Wafa, sipas së cilës burime mjekësore konfirmuan numrin e të vdekurve, duke raportuar se 17 persona të tjerë u plagosën në sulmin që synonte një shtëpi në qytet.
Një ‘genocid i vërtetë’ i palestinezëve nga forcat izraelite është duke u zhvilluar në Rripin e Gazës. Ministrja spanjolle e Mbrojtjes Margarita Robles e tha këtë në një intervistë për televizionin shtetëror TVE.
Komenti i saj bën jehonë atë të zëvëndës kryeministres spanjolle Yolanda Diaz, e cila në fillim të kësaj jave kishte folur për konfliktin e vazhdueshëm në Gaza si një genocid.
‘Ne nuk mund të injorojmë atë që po ndodh në Gaza, që është genocid i vërtetë’, tha Robles në intervistë, duke theksuar se njohja e Palestinës nga Madridi ‘nuk është veprim kundër shtetit të Izraelit, nuk është kundër izraelitëve që ne respektojmë’.
Qëllimi, shtoi ajo, është të ndihmojmë në ‘fundin e dhunës në Gaza’.
‘Izraeli duhet të respektojë ligjin ndërkombëtar. Dhe uria, vuajtjet e popullatës palestineze, sulmet në Rripin e gazës janë – siç e shohim tani në gjykatë – të papajtueshme me ligjin ndërkombëtar.’
Kështu ka thënë zëvëndëskancelari dhe ministri gjerman i Ekonomisë, Robert Habeck, duke iu referuar urdhrit me të cilin Gjykata Penale Ndërkombëtare urdhëroi Izraelin të ndërpresë ofensivën në Rafah. Këtë e raporton Tagesschau.
‘Kjo do të thotë – shtoi ai – se është e vërtetë që Izraeli po kalon vijnë atje dhe këtë nuk duhet ta bëjë.’
Në të njëjtën kohë, Habeck theksoi se Hamasi mund t’i japë fund menjëherë luftës në Rripin e Gazës nëse dorëzon armët.
Një celulë terroriste e Hamasit planifikoi të kryente sulme terroriste në ambasadën izraelite në Berlin dhe në një bazë ushtarake amerikane në Gjermani, raporton gazeta gjermane Welt am Sonntag. Hamasi deri më tani ka vepruar vetëm në Lindjen e Mesme. Tani duket se synon objektiva në Gjermani, komenton gazeta.
Objektivat u gjetën në celularin e një të dyshuari për terrorizëm, i cili u arrestua në Berlin në dhjetor dhe u akuzua nga prokurorët se po kërkonte vende për të fshehur armët për grupin terrorist, thuhet në raport, duke cituar burime në shërbimet gjermane të sigurisë.
Sipas raportit, i dyshuari, i cili është me origjinë libaneze, mori udhëzimet e tij nga zyrtarët e Hamasit në Liban.
Qeveria Netanyahu zbuloi në janar se Hamasi drejton një rrjet agjentësh në Evropë të kontrolluar nga komandantët në Liban dhe synon të sulmojë objektivat dhe izraelitë jashtë vendit.
Shumica e komandantëve të grupit me bazë në Liban, duke përfshirë Saleh al-Aruri dhe Khalil Haraj, i vranë në sulmet ajrore që i atribuohen Izraelit ndërsa Jeruzalemi ndjek Hamasin në Gaza dhe më gjerë.
Bërthamat e Hamasit në Danimarkë, Gjermani dhe Holandë u arrestuan në dhjetor pasi dyshohet se planifikonin të sulmonin objektivat hebrenj në Evropë.
Të paktën dhjetë palestinezë, duke përfshirë fëmijë dhe gra, u vranë ndërsa shumë të tjerë u plagosën sot në një sulm ajror izraelit në një shtëpi në qytetin Beit Hanoun, në veri të Rripit të Gazës.
Lajmin e bën të ditur agjencia palestineze Wafa, sipas së cilës burime mjekësore konfirmuan numrin e të vdekurve, duke raportuar se 17 persona të tjerë u plagosën në sulmin që synonte një shtëpi në qytet.
