Gaza- Ndërsa kriza humanitare ka kryqëzuar Gazën ku mijëra njerëz vuajnë nga uria dhe kequshqyerja, ushtria izraelite, IDF, nuk i ndal bombardimet në front, duke rritur bilancin e viktimave nga dita në ditë.
Mëngjesin e sotëm raportimet ishin për 21 të vdekur, teksa në mesdite shifra shkoi në 25 viktima.
Agjencia palestineze e lajmeve Wafa raporton se që nga agimi i sotëm, të paktën 25 civilë janë vrarë në bombardimet izraelite në zona të ndryshme të Rripit të Gazës. Midis viktimave janë 10 persona që prisnin ndihmë humanitare, informon media.
Gjashtë u vranë në sulme ndaj tendave që strehonin persona të zhvendosur në Khan Younis dhe katër në një sulm ndaj një tendë në Deir el-Balah.
Agjencia shtetërore palestineze e lajmeve raportoi se mes viktimave janë edhe dy fëmijë. Ajo shtoi se 53 persona u plagosën.
Organizatat e huaja dhe qeveri të ndryshme vijojnë të dërgojnë ndihma në Rrip, duke i hedhur me avionë nga ajri. Ditën ë sotme raportohet se janë hedhur të paktën 1200 tonë pako me ushqime e vesh-mbathje.
Komente
