Arben Lera, është gjyqtari i Korçës që u kërcënua dhe kanos me fjalë të rënda, teksa po zhvillonte një seancë gjyqësore për lëshimin e urdhrit të mbrojtjes ndaj një grua nga Erseka.
Personi që ka kërcënuar gjyqtarin gjatë ushtrimit të detyrës quhet Klodian Dhëmbi dhe se momentalisht është arrestuar nga uniformat e policisë së Korçës. Dhëmbi, ishte paraqitur i dehur në ambientet e gjykatës, ku ishte thirrur nga policia për të qenë prezent për një lëshim urdhër mbrojtje, për bashkëshorten e tij. Gruaja S.Dh,i ka rrëfyer gjyqtarit Arben Lera, se është dhunuar fizikisht dhe psikologjikisht nga bashkëshorti i saj, Klodian Dhëmbi.
Sipas rrëfimit të nënës së katër fëmijëve, bashkëshorti i saj e kërcënonte herë pas here sapo kthehej në banesë duke i thënë:”…do të vras, do të gropos në mal, mos të gjejë më njeri…”. Sipas rrëfimit të gruas së dhunuar, ajo edhe ditën kur është paraqitur në gjykatë dhe teksa qëndronte në oborr me nënën e saj dhe vajzën e vogël, i është afruar bashkëshorti Klodian Dhëmbi dhe ka filluar ta shajë dhe ofendojë duke i thënë: ”…pse më ke sjellë këtu, mbaje mënd çdo të bëj, po s’të vrava fare…”.
Por edhe pasi janë futur brenda në sallën e gjyqit, sërish Kolodian Dhëmbi ka filluar sharjet dhe ofendimet, ku këtë herë objekt i dhunimit dhe kanosjes nuk ka qenë jo vetëm gruaja por edhe gjyqtari i çështjes Arben Lera. Sipas policisë së Korçës, Klodiani ka filluar ti ndërpresë fjalën dhe drejtimin e seancës gjyqtarit Lera, duke e ofenduar dhe kanosur këtë të fundit.
“…në këtë moment ka hyrë punonjësi i policisë së gjykatës, duke nxjerrë jashtë Klodianin, pasi ai nuk pushonte duke thirrur me të lartë dhe duke sharë dhe kërcënuar. Edhe pasi e nxorën jashtë sallës së gjyqit, dëgjoheshin të sharat dhe britmat e tij…”-ka treguar në polici bashkëshortja. Madje sipas kësaj të fundit sharjet dhe kanosja me jetë, Klodiani e ka bërë edhe ndaj policit të gjykatës Ilirjan Berberi, i cili rezulton të ketë depozituar kallëzim penal kundër personit të arrestuar nga policia, Klodian Dhëmbi.
Komente
Po cfare merreni me viktimat pa buke, shikoni Atben Leren me hotel dhe lokale ne korce e Tirane
Përgjigju