Jahti në Siçili dhe kuzhinieri, trupi i të cilit u gjet dje

Bota

Jahti i mbytur në Siçili, gjendet trupi i manjatit Mike Lynch dhe vajzës së tij! 2 të tjerë ende të zhdukur

21 Gusht 2024, 18:04| Përditesimi: 21 Gusht 2024, 18:55

  • Share

Ekipet italiane të kërkim-shpëtimit kanë gjetur ditën e sotme dy prej trupave të zhdukur pas mbytjes së jahtit luksoz të fundosur të hënën (19 gusht) pranë brigjeve të Siclisë, të cilët i përkasin manjatit Mike Lynch dhe vajzës së tij adoleshente Hannah, sipas mediave italiane.

Me gjetjen e dy trupave përkatësisht të manjatit Mike Lynch dhe vajzës së tij adoleshente Hannah tashmë janë edhe 2 persona të tjerë të zhdukur, ndërsa të hënën në mëngjes u gjet trupi i kuzhinierit kanadez të Antiguanit Recaldo Thomas. 

Ndërkohë disa pamje të publikuar në media tregojnë momentet e tornados, që dyshohet se është shkaku i mbytjes së jahtit.

Kërkimi për të zhdukurit në jahtin e mbytur vijojnë. Dhjetëra zhytës profesionistë po kryejnë kërkime deri në 49 metra thellësi. Gjatë gjithë mëngjesit, zhytësit në grupe prej tre vetash kontrolluan pjesën e brendshme të jahtit, në një thellësi prej 49 metrash.

Po ashtu roja bregdetare ka aktivizuar një robot i cili po kërkon rreth jahtit. Është një mjet nënujor i kontrolluar nga distanca (Remotely Operated Vehicle) i aftë për të operuar në një thellësi prej 300 metrash për 6 deri në 7 orë. Roboti është i aftë të regjistrojë video dhe të marrë imazhe të detajuara që do të ekzaminohen nga hetuesit.

S.G/S.B/ReportTv.al
Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?