PUKË- Dimri e bën akoma më të vështirë jetesën për të moshuarit e vetmuar në fshatrat e Pukës. Ne ndaluam në fshatin Gojan i Vogel tek nënë Mara e cila vitet e fundit të jetes i kalon në vështirësi e pa përkujdesje. Jeton në një shtëpi te rrenuar, me pak orendi. Për të dimri e vështirëson me shumë jeten…
Lëviz me vështirësi, sëmundja i ka pamundësuar instalimin e sobës së druve për ngrohje.
“Është ftohtë e kiamet dhe unë jam sakate, me zor dal deri në oborr. Për mjekimet më vijnë doktorët në shëpi më bëjnë serumet. Kam sobën këtu por nuk e ndez dot se nuk i mbaj dot drutë. Për hatër të Zotit!”
Nënë Mara jeton me një pension prej10 mijë lekesh në muaj, ndërsa fqinjet janë ata që e ndihmojnë për të terhequr pensionin në postë. Pensimi nuk mjafton as per ilaçe, pasi vuan nga disa sëmundje.
“Asnjëherë s’kam parë dritë me sy! Kam lindur djemtë por më kanë vdekur, duhet të ishin sot nga 50-vjec. Edhe burri më ka vdekur. Kam veç dy vajza por ato janë të sëmura për vete. Unë marr veç pension që nuk më del për asgjë. Me zor të madh po jetoj!”
84-vjeçarja, Mara Marku ka mbetur vetem pasi dy vajzat u martuan. Ajo lëviz me shkopinj, ndërsa gdhihet e ngryset me frikën e vdekjes në harresë.
Komente
VIBI DOREN NE ZEMER PER KETE NENE TE MIRE....NE KETO RSSTE SHTETI DUHET TE CAKTOJE NJE KUJDESTAR TE PAGUAR NGA SHTETI,,OSE TA MARRE E TA COJE NE NJE AZIL PLEQSH...AFER SHTEPISE TE SAJ...
Përgjigju