KORE E JUGUT - Sulmuesi anësor i Kombëtares, Jasir Asani e ka çuar në 16-të numrin e golave këtë sezon. Për raundin e 22-të në kampion, Gwangju e Jasirit u përmbys 2-1 në udhëtim nga Sowon, me miqtë që nuk mbajtën dot epërsinë.
Duhej minuta e 78-të që ndeshja të zhbllokohej. Gwangju fitoi një penallti dhe nga 11 metra sulmuesi Asani nuk gaboi, duke e ndalur sferën në trekëndësh. Një goditje preçize e Jasirit që festoi me shokët e skuadrës.
Kur u duk se miqtë do dilnin me tri pikë, fundi i lojës ishte dramatik për ta. Uillyan në minutën e 85-të dhe autogoli i Kim Kyung Min i dhanë tri pikë vendasve.
Paçka humbjes, Jasir Asani e dërgon në 16-të numrin e golave sezonalë; shtatë në kampionat dhe nëntë në Champions League e Azisë.
Komento
Komente
