“Zbukurimorja në brendësi të objekteve monument kulture në Berat” - është ekspozita me 20 panele e piktura murale, mozaikëve dhe objekteve të kultit që u çel në Berat ku morën pjesë DHE turistë
Punime të gdhendjes në dru, stuko reliev(allçi), piktura murale dhe dysheme të ndërtuara me materiale guri, tulle, zaje lumi , prezantuan përmes artit pamor vlerat e rralla të trashëgimisë kulturore të qytetit historik të një mbi një dritareve.
“Në këtë ekspozitë sot kemi paraqitur 20 panele, disa pamje në brendësi të banesave të monumenteve të kultit punime druri ,stuko reliev mozaik, të cilat janë restauruar nga drejtoria jonë duke i kthyer në gjendjen e mëparshme më të mirë të mundshme. Këtë vit ne kemi disa projekte në zonën muzeale në të cilën përfshijnë projekte mirëmbajtje të disa banesave dhe objekteve të kultit", tha Drejtori i DRTK-Berat, Jurgen Pushi.
Berati është një prej qyteteve e përfshirë në bonusin e projekteve për rijetëzimin dhe restaurimit të monumentet e kulturës.
