Sekretar Parlamentar i Shtetit në Ministrinë Federale të Drejtësisë dhe Mbrojtjes së Konsumatorit në Gjermani, Christian Lange, ka falënderuar qeverinë shqiptare për arritjet e deritanishme në zbatimin e Reformës në Drejtësi dhe rrugën e çeljes së negociatave të Shqipërisë me Bashkimin Evropian.
Teksa ka shpërndarë në faqen e tij zyrtare në “Twitter” mesazhin e numrit dy të Partisë Socialiste, Taulant Balla, zyrtari gjerman e falënderon për punën dhe arritjet drejt rrugës evropiane.
“Faleminderit për punën dhe arritjet tuaja deri më tani”, shkruan Christian Lange.
Në postimin e tij në “Twitter”, Balla shkruante: “Mirënjohje Lange për vëmendjen e veçantë për Shqipërinë. Gjermania po ndihmon ngushtë në zbatimin e Reformës në Drejtësi. Fillimi i bisedimeve për anëtarësim do të çojë përpara përparimin e Shqipërisë. Bundestagu do të vendosë javën e ardhshme dhe jemi optimistë për një vendim pozitiv”.
Komente
