TIRANË - Avokati Redi Ramaj foli në Report Tv lidhur me numrin e lartë të masave të paraburgimit që kërkohen nga prokuroritë në vend dhe që firmosen nga gjykatat. Ramaj tha për Nertil Agalliun në ‘Sot Live në Shqipëri’, se vendi ynë ka përqindjen më të lartë të të paraburgosurve në Europë.
'Nuk është momenti i duhur. Jemi vendi me përqindje më të lartë të të paraburgosurve në Europë. Ky zbatim është bërë praktik, përtej dhe ligjit të Kodit. Duhet një mentalitet dhe një ndryshim ligjor. Prokuroria e Përgjithshme kryeson listën për masën e sigurisë. SPAK ka më pak çështje por bën më shumë lajm. Fillon problematika me qytetarët e thjeshtë. Ky moment u bë vetëm pas një politikani iu vu masa e sigurimit. Po qytetarëve kush iu qan hallet. Edhe për një mur pa leje është arrest në burg. Nuk janë masa normale.'
Kjo masë e paraburgimit, penalizon edhe mjaft qytetarë të thjeshtë, që dërgohen në qeli edhe për një mur pa leje.
'Nuk jam për asnjë qytetar që të vendoset masa ekstreme sapo fillon hetimi. Gjykata ka qenë e ashpër që nga qytetari i thjeshtë. Prokuroria do të justifikojë punën e saj me masën e sigurimit. Kemi një mentalitet, të quajmë të dënuar që ditën e parë që arrestohesh. Arrestimin e shohin si momentin më kryesor të hetimit. Nuk është ky, është mbyllja e dosjes dhe dërgimi në gjykatë me prova. Për gjithë këto arsye nuk duhet të shkojnë në masë arrest në burg direkte. Ne ecim gjithnjë me masa të ashpra. Asnjë politikan nuk e ka ngritur këtë shqetësim, e kanë ngritur juristët.'
Sipas avokatit, duhet të ndryshojë mentaliteti i prokurorëve, pasi ligji është i qartë për rastet kur vendoset arresti në burg.
'Duhet të ndryshojë mentalitetit i prokurorëve. Ligji është i qartë, thotë vetëm në raste ekstreme, rrezikshmëria e veprës dhe rrezikshmëria e autorit të bashkëlidhura. Gjykata duhet të bëjë vlerësimin e drejtë kur duhet të japë arrestin në burg. Por gjykata është në një presion nga prokuroria, kur në masë të madhe jep arrestin në burg.'
Lidhur edhe me shqetësimin e kryeministrit Rama për shpeshtësinë e kësaj mase, avokati thotë se ai duhej të shprehej me herët e jo pas arrestimit të Veliaj.
'Nëse do kishte kryeministri shqetësim real duhej ta kishte shprehur më herët. Shumica e masave të sigurimit janë miratuar edhe nga gjykata e lartë. Kanë kaluar filitrin e gjyqësorit. Dy tre muaj para prokuroria ka thënë do hetojmë procesin elektoral. Është në të drejtën e saj të hetojë çdo person që tenton të manipulojë zgjedhjet. nëse shkelen liritë proceduriale, por kush mund ti kontrollojë prokuroritë.'
Komente
Po per nga numri i te arratisurve gjate e pas hetimeve e gjyqeve,atyre qe nuk zbatojne /arrest shtepie/ dhe ata qe jane ne /drejtim te paditur/ cfare % zeme ne Evrope zoti Ramaj? Kush eshte sot ne paraburgim duhet t'ja njohe per falenderim Llalles,Ahmetajt,atyre biznesmeneve te inceneratoreve e ca te tjereve me kollare dhe ndonje krimineli ordiner duke filuar nga shitesit e drogave e hajdutet qe si gjen dot kurre ne shtepi kur do ligji.
Përgjigju