Mund të rezultojë goli i sezonit ai për Tonalin, i cili i ka dhënë Milanit fitoren në minutën e 92 kundër Lazio-s, duke i rritur kuotat ekipit për titullin kampion. Në ‘Olimpico’ Milan iu përgjigj Interin duke përmbysur 1-2 Lazio-n edhe pse këta të fundit morën epërsinë e ndeshjes që në minutën e 4 të takimit.
Më tej u luajt vetëm në portën e Lazio-s me ‘djallin’ e Piolit që barazoi me fillimin e pjesës së dytë falë Giroud. Mirëpo ky rezultat e ulte shumë mundësinë që Milan të luftonte për kampionat, deri në momentin kur Tonali bëri që të shpërthente një festë e çmendur. Milan fiton dhe rikthehet në vendin e parë me 2 pikë me shumë se Interi, por zikaltërit luajnë sfidën e prapamebtur të mërkurën kundër Bolonjës.
Për t’u theskuar edhe fakti që shumë polemika shpërthyen pas fitores së Milanit. Tifozët e Lazio-s kryqëzuan mbrojtësin Acerbi, i cili bëri një reagim të dobët te goli i Tonalit. Për më shumë 33-vjeçari u pa duke qeshur pas këtij episodi, duke irrituar shumë tifozët vendas të cilët kërkuan menjëherë largimin e futbollistin. Një arsye më shumë është se Acerbi po kërkohët nga Milan në merkato, ndërsa në të kaluarën ka qenë pjesë e ‘djallit’.
Gjithsesi këto detaje nuk e prekin Milanin, me trajnerin Piloi i cili ka deklaruar se ‘futbollistët e tij vepruan si luanët në këtë ndeshje’.
