Aktori Ben Affleck është strehuar në banesën e ish bashkëshortes së parë, Jennifer Garner pasi u detyrua të linte shtëpinë e tij nga zjarret shkatërruese në Los Angeles.
Aktori i famshëm u largua nga vila e tij 20.5 milionë dollarëshe në Pacific Palisades të martën pasi zjarri përfshiu zonën, të cilën e bleu pasi u nda nga Jennifer Lopez.
52-vjeçari jeton në një distancë të shkurtër nga ish-gruaja e tij, me të cilën ka tre fëmijë. Afleck jeton në Pacific Palisades prej një kohe të shkurtër, pasi jetonte së bashku me Lopez në rezidencën 60 milionë dollarëshe në Beverly Hills, para se të merrnin vendimin e ndarjes.
Aktori ishte me fat që shtëpia e tij mbijetoi, ndërsa shumë yjeve të tjerë u është shkatërruar, sipas Daily Mail.
Shtëpitë e shumë yjeve janë shkatërruar, duke përfshirë Billy Crystal, Paris Hilton, Mandy Moore, Eugene Levy, Anna Faris, Cary Elwes, Spencer Pratt dhe Heidi Montag, James Woods, Diane Warren, Cameron Mathison, Ricki Lake, Leighton Meester dhe Adam Brody.
Erërat e forta vazhdojnë të jenë ende prezente në të gjithë Los Angeles-in dhe ende rrezikohet krijimi i vatrave të reja.
Komente
