Këshilli i Lartë Gjyqësor më 19 shtator deklaroi mbarimin e statusit të magjistratit për gjyqtarin e Tiranës, Artan Gjermeni. Vendimi i KLGj-së erdhi pas dy kërkesave për dorëheqje nga detyra të dorëzuara gjatë muajve të fundit nga vetë Gjermeni. Ai tha se po hiqte dorë nga funksioni i gjyqtarit, pasi kishte vendosur të ndiqte një stad të ri në karrierën e tij, duke punuar si pedagog pranë një universiteti privat.
Përpara se të dorëhiqej, Artan Gjermeni, i cili së fundmi liroi nga qelia grupin e skandalit të publikimit të pagave dhe të dhënave personale të 694 mijë shqiptarëve, kishte më shumë se dy vite që ishte nën verifikim nga Komisioni i Vetingut për ligjshmërinë e pasurisë, aftësitë profesionale dhe pastërtinë e figurës.
Më 22 maj 2007, ish ministri i Drejtësisë, Ilir Rusmali, i propozoi KLD+së shkarkimin e Artan Gjermenit. Gjyqtari shpëtoi për një votë, pasi kërkesa e Rusmalit u rrëzua me 6 vota kundra dhe 5 pro. Gjermeni akuzohej për parregullsi në gjykimin e anëtarëve të bandës së Aldo Bares. Në janar të vitit 2016, Gjermeni u paraqit i plagosur në QSUT, ndërsa në makinën e tiju gjetën rreth 20 mijë euro. Gjyqtari tha që ishte prerë me një llamarinë në garazhin e tij, ndërsa për paratë se ishin kursime.
Edhe pse të dyja alibitë ishin të dobëta, Gjermeni ia hodhi pa u ndëshkuar. Ai ka vendosur për dosje të bujshme. Gjermeni ishte pjesë e trupës gjykuese, e cila shpëtoi nga burgimi i përjetshëm Konstandin Xhuvani, i cili vrau 4 persona. Gjermeni ka qenë pjesë e trupës gjykues për çështjen e ish-guvernatorit të Bankës së Shqipërisë, Ardian Fullani, i cili i shpëtoi ndëshkimit ligjor, madje mori mbi 500 mijë USD dëmshpërblim. Në maj të 2019, Gjermeni la të lirë Ervis Martinajn, një nga personat e përfshirë në përplasjen e ndodhur në ish-Bllok, më 4 tetor të vitit 2018, ku mbeti i vrarë Fabjol Gaxha. Në vitin 2018, Gjermani ka marrë pjesë në procesin kur u shpallën të pafajshëm Alma Radovicka, Gazmend dhe Gëzim Radovicka, të akuzuar nga prokuroria për vjedhjen e 2 mijë m2 tokë të disa shtetasve austriakë.
Në 2017, Gjermeni ka qenë pjesë trupës gjykuese që liroi nga qelia Muhamet Licin, i arrestuar si kreu i një grupi kriminal që gjobiste tregtarët e Shkodrës. Në vitin 2016, Artan Gjermeni shpalli të pafajshëm ish-drejtorin e Tatimeve në Tiranë Ismail Muça i akuzuar se në bashkëpunim me 7 persona të tjerë nëpërmjet skemës së mashtrimeve të tatimit mbi vlerën e shtuar kanë përfituar 6 milionë euro nga buxheti i shtetit.
Komente
Eshte e temereshme,nje njeri i thjeshte te bej nje gabim nga pakujdesia penalizohet ndersa keta super kriminele qe kane bashkpunuar me kriminelet vetem largohen nga puna dhe behen avokat, kjo quhet drejtesi...???
PërgjigjuSka mo sekretare me gjujt ky monstra se gruja tu fjet rehat
PërgjigjuPasuria do ti sekuestrohet gje ketij apo fle gjume spaku
Përgjigjupse iku se na preu krahet. te pakten mbaroje pune me kete me noi lek
PërgjigjuIku dhe nje monster.Ky per euro te mbyste.Vetem te pagoje,100 vete te vrisje,ky te nxirrte te pafajshem.Per çeshtje korrupsioni,vjedhje etj nuk u discutonte absolutisht,dilje direkt.
PërgjigjuNjë këllirë më pak.
PërgjigjuDmth doli nga loja pa lagur ky,ca behet me nje te dorehequr dhe cdogje pas krave
PërgjigjuSe mos vetem martinajn
Përgjigju