Situata në Jeruzalem vazhdon të tensionohet ndjeshëm, ku gjatë orëve të mbrëmjes mes militantëve të Hamasit në Rripin e Gazës dhe ushtrisë Izrarelite u shkëmbyen disa raketa. Si pasojë e të cilëve humbën jetën 24 palestinezë mes të cilëve 9 fëmijë.
Udhëheqësit e Hamasit kërcënuan se do të sulmojnë përsëri, pasi qindra palestinezë u plagosën më herët në përleshje me policinë izraelite. Që nga fillimi i tensioneve të paktën 700 persona janë lënduar.
Ditëve të fundit, Jerusalemi ka përjetuar dhunën më të rëndë ndër vite, ku më shumë se palestinezë janë plagosur në konfrontimet me policinë izraelite jashtë xhamisë al-Aqsa të hënën.
Fillimisht kërcënimi izraelit për të zhvendosur të paktën 20 familje nga shtëpitë e e tyre prej 60 vitesh nxiti përplasjet mes palëve. Përplasje që nga dita e parë e fillimit të Ramazanit, 29 ditë më parë janë tensionuar ndjeshëm orë pas ore. Një muaj më parë, policia vendosi të rrethonte sheshin para portës së Damaskut me hekura për të bërë të pamundur grumbullimin e palestinezëve atje, duke rritur ndjeshëm pakënaqësitë. Qeveria e drejtuar nga Benjamin Netanyahu është përpjekur të minimizojë tensionet duke hequr barrierat. Gjykata e Lartë gjithashtu ka shtyrë vendimin për dëbimin e mundshëm nga shtëpitë të familjeve palestineze, por sërish kjo nuk ka qetësuar situatën.
