LEZHË- Dy gra kanë përfunduar në spital pas një konflikti që kanë pasur në familje. Ngjarja ka ndodhur në fshtain Markatomaj të Lezhës, ndërsa gratë e dëmutuara, janë kunata me njëra-tjetrën.
Njëra nga të dhunuarat është identifikuar si Dava Ndoj, 33-vjeçe. Një një prononcim për mediet babai i saj, thotë se ajo është me urdhër mbrotje dhe konfliktet mes tyre kanë nisur që në muajin janar. Babai i 33-vjeçares shprehet se ai kërkon drejtësi për gjithë këtë situatë.
'Jam baba i Dava Ndojit. E kanë sulmuar vajzën time fizikisht, vjehrri me gjithë vajzën e vet të martuar, djali vajzës që është 20 vjeç, dhe dy mbesat, kanë sulmuar Davën fizikisht. Vajza ime është me urdhër mbrojtje. Ditën e premte vendimi i gjykatës ka qenë i formës së prerë, të çojë energjinë elektrike të çoji ujin. Çelësat e shtëpisë nuk i ka pas Dava i ka pas vjehrri dhe gjykata ka urdhëruar që të ndërrohen dhomat e fjetjes. Konfliktet kanë ndodhur qysh me datën 16 janar. Vajza është e dhunuar, i kanë shkulur flokët nuk lëviz dot qafën. Unë kërkoj drejtësi.'- tha babai i 33-vjeçares.
LEZHË-Një tjetër konflikt ka ndodhur mes një gruaje dhe një burri, të dy fqinj me njëri-tjetrin, i cili ka precipituar në dhunë fizike. Ngjarja ka ndodhur në Tale të Lezhës, ku burri është goditur me sende të forta nga fqinja e tij.
Burri është dërguar me urgjencë në Spitalin Rajonal të Lezhës dhe ndodhet jashtë rrezikut për jetën. Policia ndodhet pranë spitalit të Lezhës, ndërsa kanë nisur hetimet për zbardhen e ngjarjes.
