Ministria e Shëndetësisë dhe ajo e Arsimit ndalojnë reklamimin e ushqimeve të pashëndetshme në mjediset e institucioneve arsimore. Ky urdhër vjen në kuadër të luftës kundër kequshqyerjes, që synon të realizojë mbrojtjen e shëndetit e të mirëqenies së fëmijës nga informacione e materiale që i dëmtojnë nxënësit nga mosha 6-15 vjeç të sistemit bazë, por edhe për gjimnazet apo sistemin parauniversitarë.
Kjo synon të plotësojë dhe rregullimet e legjislacionit për mbrojtjen e të miturve nga përdorimi i alkoolit, pijeve energjike dhe pijeve të gazuara që përmbajnë sheqer të shtuar, çokollatave, patatinave, të ushqimeve e pijeve që përmbajnë substanca të dëmshme ose të padobishme për shëndetin fizik të fëmijëve, veçanërisht ato me përmbajtje të lartë yndyre, acidi yndyror, kripe, sode e sheqeri, që janë tej normave të lejuara për një dietë ushqimore të shëndetshme për fëmijët. Në listë ndalohet edhe qumështi i plotë, siç ata e quajnë, të cilët e kanë cilësuar si jo të shëndetshëm për fëmijët, ndonëse mund të duket pak absurde se si qumështi, mund të futet në të njëjtën listë me pijet e gazuara apo me patetinat.
Ky urdhër vlen në të gjitha institucionet arsimore të arsimit bazë, publike e private por edhe sistemin arsimor parauniversitar. Për zbatimin e këtij rregulli për institucionet arsimore ngarkohen vetë shkollat. Po çfarë konsiderohet ushqime të pashëndetshme? Në këtë listë futen të gjitha ata ushqime me përmbajtje të lartë yndyre, acidi yndyror, kripe, natriumi e sheqeri që janë tej normave të lejuara.
LISTA E USHQIMEVE TË PASHËNDETSHME QË NDALOHEN NË MJEDISET E INSTITUCIONEVE ARSIMORE
1. Ëmbëlsira:-çokollatë dhe produkte çokollate (çokollatë e thjeshtë ose e bardhë, vezë të mbushura meçokollatë, çokokrem);-produkte të veshura me çokollatë (p.sh.:biskota pjesërisht ose plotësisht të veshura, fruta ose arra të veshura me çokollatë, akullore dhe drithëra të veshura me çokollatë);-ëmbëlsirë, përfshirë ëmbëlsirat “pa sheqer” (p.sh.:çamçakëz, xhelatina, likuiricia, karamele të çdo lloji përfshirë: menta, lëpirëse sheqeri, ëmbëlsira me sherbet, marshmalloës, dhe ëmbëlsira të tjera);-çokollatë, kos ose fruta të thata dhe arra të veshura me sheqer;-bareta drithërash, ëmbëlsira me fruta të përpunuara.
2. Ushqime të skuqura ku përfshirë produktet e skuqura thellë në procesin e prodhimit. Kjo përfshin për shembull: patatina, salsiçe të skuqura, kofshë pule të skuqura, petulla etj.
3. Ushqime të aromatizuara (savoury snacks):Ushqime të aromatizuara me përmbajtje yndyre, yndyre të ngopur, natriumi dhe sheqeri mbi kriteret e mëposhtme: -madhësi paketimi të barabartë ose më të madhe se 25 g;-22g ose më shumë yndyrë për 100g;-2g ose më shumë yndyrë të ngopur për 100g;-0.6g ose më shumë natrium për 100g;-3g sheqer ose më shumë në total për 100g;
4. Pijet freskuese (me ose pa gaz),duke përfshirë ujëra me aromë;-pijet e cilësuar si “pa sheqer” (me ose pa gaz) përfshirë ujërat me aromë;-pije të gazuara që përmbajnë sheqer të shtuar;-lëngjet e frutave të ëmbëltuara me sheqer të shtuar;-lëngjet e perimeve me sheqer ose kripë të shtuar;-lëngje të ëmbla të koncentruara, të bëra ose të aromatizuara me lëngje frutash, të cilat hollohen për të bërë një pije;-qumësht i plotë;-pijet energjike.
LISTA E USHQIMEVE TË LEJUARA NË MJEDISET E INSTITUCIONEVE ARSIMORE
-fruta të freskëta (frut i plotë ose në pjesë);
-fruta të konservuara në lëng natyral;
-perime të papërpunuara.
Komente
Shume mire. Por me pare duhen edukuar prinderit sepse mjafton qe secili te festoje ditelindjen dhe prindi e sjell ne mengjes femijen bashke me cokollata, embelsira pije freskuese me gaz dhe me sheqer te shtuar qe te festojne me femijet e tjere. Dhe i rrofte shtetit qe vendos rregullore te tilla. Megjithese ne Shqiperi ligjet jane vetem per ne leter, sepse per tu zbatuar ligji, mentaliteti i shqiptarit eshte qe rregullat jane komunizem, dhe ata qe i zbatojne ligjet dhe rregullat quhen komuniste.., pfff..
PërgjigjuPO SHYQYR MO SHYQYR QE BETE NJE GJE TE SAKTE....MENDUAT PER KALAMAJT BENI AKOMA ME SHUME PER TA
PërgjigjuShume mire e keni bere. Tani mesueset para ushqimit te kontrollojne te gjithe cantat e nxenesve dhe nqs gjejne ushqim qe e ndalon rregullorja , te ngrohen ne diell. Te ushqyerit e femijes eshte ne doren e prindit.Sma do mendja qe qeveria i do femijet me shume se vete prinderit. Nqs do vesh kufizime te tilla beje me projekt pilot dhe ushqimin ta jape vete shkolla. Pastaj sipas raportit (qe padyshim do jete pozitiv me femije qe hane shendetshem ) mund te shtrihet ne me shume shkolla.
Përgjigju