Shtëpia e Bardhë ka deklaruar sot se nuk kërkon një ndryshim të regjimit në Iran, duke mbrojtur gjithashtu sanksionet e saj dhe politikën e presionit maksimal kundrejt Teheranit.
Këshilltari i Donald Trump për sigurinë kombëtare, në kuadër të Asamblesë së Përgjithshme të OKB-së në Nju-Jork ka deklaruar për Iranin se:
Sikurse e kam thënë shumë herë, një ndryshim i regjimit në Iran nuk bën pjesë në politikën e administratës.
Ne kemi vendosur sanksione shumë strikte ndaj Iranit, të tjera do të vijojnë. Ajo që presim nga ana e Iranit, janë ndryshime të thella në aspektin e sjelljes.
John Bolton
Gjithashtu ai e akuzoi Iranin se po destabilizon Lindjen e Mesme.
Deri sa kjo të vijë, ne do të vazhdojmë të ushtrojmë atë që presidenti e quan një presion maksimal.
John Bolton
Ndërsa nga ana e tij, shefi amerikan i diplomacisë, Mike Pompeo ka theksuar se Trump do të shprehë një dënim të fortë kundër sjelljes së Teheranit gjatë fjalimit të tij në tribunën e OKB-së që parashikohet nëser në mëngjes.
Komente
