Shqipëria u kualifikua në finalen e “Eurovision-it” që u mbajt në Tel Aviv, në Izrael. Jonida Maliqi shkëlqeu me performancën e saj, duke marrë duartrokitje të mëdha nga publiku.
Këngëtarja me origjinë shqiptare, Eleni Foureira, e cila përfaqësoi Qipron vitin e kaluar në Eurovision, u rikthye sërish në skenën e madhe si e ftuar speciale.
Eleni bëri gjestin e bukur për këngëtaren shqiptare. Jonida ishte e vetmja që ajo publikoi në Instastory për t’a mbështetur në këtë festival dhe krahas fotos së Jonidës, Eleni shkroi emrin e Shqipërisë, duke i bashkëngjitur një zemër të kuqe dhe një flamur shqiptar.
Kujtojmë se Eleni, Ermal Meta dhe Eugent Bushpepa ishin tre shqiptarë që ngritën peshë zemrat e publikut vitin e shkuar në Eurosong. Ata bënë së bashku simbolin e shqiponjës dhe mbi figurën e Elenit pati reagime të ashpra nga pala greke pas atij postimi.
Komente
