Juventusi dhe PSV-ja luajnë të martë (nesër) në orën 21:00 në play-off e Champions League. Takimi i parë në Torino u komentua edhe nga trajneri i "Zonjës së Vjetër", Thiago Motta. Ai tha se objektiv është kalimi më tej, ndërsa nuk është justifikim kalendari i ngjeshur me tre ndeshje në tetë ditë.
"Qëllimi ynë është të kualifikohemi në raundin play-off të Ligës së Kampionëve. Ne nuk po mendojmë për Interin, PSV është një ekip i madh dhe ne i respektojmë ata, por ne duam të japim gjithçka për të fituar. Vështirësitë e kanë forcuar grupin dhe skuadra është më elastike.
Kolo Muani dhe Vlahovic? Randal ngre nivelin e skuadrave ku luan, por meritat për fillimin e tij të mrekullueshëm i kanë edhe shokët e skuadrës. Të gjithë duan të luajnë, por jo të gjithë mund të luajnë. Ajo që ka rëndësi është cilësia e minutave të luajtura", tha Motta fillimisht.
"Pengesa PSV - Është një sfidë e madhe, ne të gjithë e dimë. Është një lojë e madhe për të luajtur në maksimumin tonë. Djemtë japin gjithçka në stërvitje për të qenë gati për këto ndeshje. Ne duhet të luajmë me intensitet dhe ritëm të madh, duke respektuar kundërshtarët tanë. Ne luajmë në shtëpi dhe duhet të luajmë lojën tonë.
Kalendari? Tri ndeshje në tetë ditë nuk janë justifikim. Ne kemi një skuadër të re dhe mund t'i bëjmë ato. Nuk shkojmë përtej një ndeshjeje të vetme. Nesër kemi një ndeshje shumë të rëndësishme kundër një ekipi të madh që luan futboll të mirë. Nuk po mendojmë për Interin, fokusi është te PSV. Jemi në një moment të mirë.
Rritja e ekipit - Të rëndësishme janë faktet, jo ajo që mendoj unë. Qëllimi është kualifikimi. Shumë gjëra kanë ndryshuar: është rritur qëndrueshmëria e skuadrës, më pëlqen të shoh sesi djemtë stërviten dhe bashkëjetojnë. Sfida e madhe është të përmirësohemi gjithmonë. Nesër do të jetë një histori ndryshe në krahasim me lojën e mirë që bëmë në shtator.
Ndikimi i Kolo Muanit - Ai është shumë i mirë, por edhe shokët e skuadrës që e vendosën në kushtet e duhura. Individi i vetëm nuk shkon gjëkundi, atëherë ai me cilësitë e tij mund të ngrejë nivelin e grupit, por si shumë të tjerë. Po ecën shumë mirë, por edhe sepse shokët e skuadrës që po e ndihmojnë po ecin mirë.
Kapitulli Vlahovic - E shoh shumë mirë, si gjithë të tjerët. Ne kemi shumë lojtarë dhe të gjithë duan të luajnë, por jo të gjithë mund të luajnë. Ata e dinë shumë mirë se cilësia e minutave që luajnë ka rëndësi dhe jo sasia", tha Motta.
Komente
