Për shkak të problemeve financiare, Juventusi uli kostot dhe kërkoi zgjidhjet më ekonomike në treg dhe blerjen e fundit të madhe e bëri në korrik të 2022, kur aftoi nga radhët e rivalëve të Torinos mbrojtësin brazilian Bremer për 44 milionë euro.
Këtë sezon Juventusi po rikthehet me stil në Champions, por duket se do të jetë më i guximshëm edhe në merkato, pasi sipas gazetarit Gianluca Di Marzio, duhet të përqendrojë të gjitha përpjekjet për blerjen e mesfushorit 25-vjeçar të Atalantës, Teun Koopmeiners.
Klubi bardhezi është i gatshëm të paguajë 40 milionë euro dëmshpërblim. Koopmeiners është objektivi numër një i transferimeve dhe tek holandezi ata shohin në pozicionin e tij të lojës një lojtar që aktualisht është një nga më të mirët në kampionatin italian.
Ish-lojtari i AZ Alkmaar ka shënuar shtatë gola dhe ka dhënë katër asistime në 26 paraqitjet e tij në të gjitha garat e këtij sezoni.
