Juventusi ka njoftuar zyrtarisht të mërkurën se ka rinovuar kontratën me sulmuesin polak, Arkadiusz Milik, deri në sezonin 2026-2027. Ky vendim vjen në një moment kur lojtari 31-vjeçar nuk ka zhvilluar asnjë ndeshje këtë sezon dhe nuk pritet të rikthehet në fushë gjatë muajit të fundit të kampionatit.
Milik, i cili iu bashkua “Zonjës së Vjetër” në verën e vitit 2022 ka qenë jashtë fushave që prej qershorit të kaluar, kur pësoi një dëmtim në ndeshjen kundër Ukrainës me kombëtaren e Polonisë.
Pavarësisht rinovimit, një largim i sulmuesit në verë nuk përjashtohet, ndoshta në huazim për të rifituar formën. Sipas kontratës së re Milik do të përfitojë një pagë prej 3.5 milionë eurosh për dy vite.
Komento
Komente
