Përballë Erion Veliajt, kryetarit aktual të Bashkisë Tiranë, në zgjedhjet e 14 majit nuk do të jetë vetëm Belind Këlliçi. Pas deklaratave të ish deputetes Lajla Përnaska se do të kandidojë së fundmi ka qenë kryetari i LRE, Arian Galdini që ka deklaruar se po mbledh firmat për të kandiduar.
Arian Galdini ka rikonfirmuar aspiratën e tij për të kandidatura për Kryetar Bashkie i Tiranës në zgjedhjet e 14 majit dhe ka njoftuar se fushata e tij për sigurimin e 3500 firmave mbështetëse vijon.
Galdini nuk ka mohuar edhe mundësinë e bashkëpunimit me parti e faktorë politikë parlamentarë për të siguruar mundësinë e tij ligjore për të qenë zyrtarisht kandidat për Kryetar Bashkie. Por prioriteti i prioriteteve sipas kandidatit aspirant Galdini mbetet mbledhja e firmave mbështetëse nga qytetarët.
Vetëm nëse nuk arrihen dot firmat e domosdoshme sipas Kodit Elektoral, Kryetari i LRE do të jetë i detyruar të hapë bisedimet me parti e faktorë të mundshëm parlamentarë që mund ta mbështesin zyrtarisht kandidimin e tij.
Komente
