SHKODËR-Report Tv ka siguruar videon e momentit të ekzekutimit të Nazim Bandulës, i cili u qëllua për vdekje në një lokal në Shkodër mëngjesin e djeshëm. Në pamjet e kapura nga kamera e sigurisë së një biznesi në afërsi të lokalit ku ndodhi ngjarja, shihet një automjet tip 'Benz' me ngjyrë gri që ndalon dhe qëllon me breshëri në drejtim të tavolinës ku po pinte kafen Bandula. 55-vjeçari shoqërohej edhe nga një person tjetër, që i ka shpëtuar për mrekulli plumbave.
Nazim Bandula, mori 6 plumba dje në trup nga 13 që u shkrepën ndaj tij, teksa ishte duke pirë kafen e mëngjesit.
Report Tv ka siguruar po ashtu edhe një foto nga vendi i ngjarjes ku duket tavolina ku ai ishte ulur dhe duken qartë shenjat e plumbave që nuk kanë arritur ta kapin në trup viktimën. Në tavolinë një kafe e lënë përgjysmë, një bidon ujë dhe çelësat e makinës, si dëshmi e sekondave të fundit të jetës së 55-vjeçarit. Gjithashtu Report Tv ka siguruar edhe foton e makinës së vrasësve. Pamjet tregojnë një automjet tip 'Benz' ngjyrë gri me targa të vjedhura AA 208 ZS, që i janë marrë një automjeti të tipit 'Toyota Yaris'.
Bandula ngeli i vdekur në vend, ndërsa në vendin e ngjarjes mbetën pas vetëm njollat e gjakut. Autorët po lëviznin me mjetin tip Mercedez Benz me ngjyrë të bardhë dhe xhama të zinj dhe kanë zbrazur kallashnikovin në drejtim të Bandulës. Ata janë siguruar që të mos lënë asnjë gjurmë në vendin e ngjarjes pasi të gjitha gëzhojat kanë rënë brenda mjetit të tyre.
55-vjeçari nuk ishte një emër i panjohur për policinë, ndërsa në pistat e hetimit janë të shumta për shkak të së kaluarës së 55-vjeçarit në aktivitete kriminale Në të shkuarën Bandula ka qenë i përfshirë në trafik narkotikësh, trafik armësh dhe prostitucion. Po ashtu, hetuesit nuk përjashtojnë edhe pistën e hakmarrjes, pasi në vitet 2000 Nazim Bandula bashkë me të vëllanë Albanin ka qenë i përfshirë në një vrasje pranë kinemasë në Shkodër për shkak të një vajze. Tre vite pas kësaj ngjarje Nazim Bandulës i është bërë atentat në aftësi të Bushatit.
Gjithashtu më 26 dhjetor të 2020, një sasi tritoli i ishte vënë mjetit tip fouristradë X5, të Bandulës që ishte i parkuar pranë shtëpisë së tij, ku nga shpërthimi nuk pati të lënduar. Vetë Bandula tha për ngjarjen në atë kohë se nuk e kishte idenë se kush ia kishte vendosur tritolin, pasi nuk kishte konflikte. Në 2012 ai ishte arrestuar pas një konflikti pronësie me vëllanë e tij, të cilin e kishte kërcënuar me armën.
Bandula jetonte mes Shkodrës dhe Elbasanit dhe nuk ruhej dhe lëvizte lirshëm edhe pse kishte konflikte të shumta për shkak të kaluarës së tij.
Foto nga vendi i ngjarjes
Viktima Nazim Bandula
Report Tv ka siguruar videon e ekzekutimit të Nazim Bandulës në Shkodër. Sikurse mund të shihet nga pamjet, Bandula ka qenë i shoqëruar edhe nga një person tjetër, por që fatmirësisht i ka shpëtuar plumbave.
Report Tv ka siguruar pamjet e automjetit që dyshohet se është përdorur nga atentatorët e Nazim Bandulës. Pamjet janë kapur nga një kamera sigurie, ku duket një automjet tip 'Benz' ngjyrë gri me targa të vjedhura AA 208 ZS, që i janë marrë një automjeti të tipit 'Toyota Yaris' me datë 22.03.2022 në Kuçovë. Autorët qëlluan ndaj Bandulës nga automjeti në lëvizje, me të cilin u arratisën më pas.
Komente
Shteti duhet të ndryshojë urgjentisht targat e makinave duke i bërë sipas vendbanimit të pronarit!!
PërgjigjuKeto autoret ka kirasi shkun . U duken gjakftoft jo te panikosun , dor e stervitun . Esmeri me esmeraldon mas kan marr nej pages apo jo
PërgjigjuKush esmeraldo po asmeri sbesoj