Një 53-vjeçar grek është vënë nën hetim, pasi u kap në pikën kufitare të Kakavijës në tentativë për të dalë nga Shqipëria me mbi 18 mijë euro të padeklaruara, të cilat i kishte fshehur në makinë.
Shtetësi grek, u ndalua nga Policia Kufitare Kakavijë, teksa tentoi të kalonte kufirin me 18 150 euro të fshehura në makinë, të cilat do t’i nxirrte nga vendi ynë, pa i deklaruar siç e përcakton ligji.
Në vijim të veprimeve procedurale për këtë rast, u referuan materialet në Prokurori ku nisi procedimi në gjendje të lirë për E. R., 53 vjeç, banues në Greqi, si dhe u sekuestrua shuma e parave.
Materialet procedurale i kaluan Prokurorisë Gjirokastër, për veprime të mëtejshme.
.jpeg)
Komento
