Një 65-vjeçare është vënë nën hetim pasi u kap në pikën kufitare të Kakavijës me 25 000 euro të padeklaruara. Ndaj saj rëndon akuza për “Mosdeklarimi në kufi i të hollave dhe i sendeve me vlerë”.
Sipas policisë, paratë iu gjetën brenda çantës pas kontrollit të ushtruar ndërsa paratë u sekuestruan.
"Si rezultat i rritjes së vigjilencës së shërbimeve të Policisë Kufitare, me qëllim parandalimin dhe goditjen e krimeve në kufi, në PKK Kakavijë, në dalje të Shqipërisë, u krye kontroll në çantën e shtetases D. K., ku u gjetën 25 000 euro, të cilat kjo shtetase nuk i kishte deklaruar konform ligjit.
Në vijim të veprimeve procedurale për rastin, u referuan materialet në Prokurori, ku nisi procedimi penal, për veprën penale “Mosdeklarimi në kufi i të hollave dhe i sendeve me vlerë”, për shtetasen D. K., 65 vjeçe, banuese në Greqi. Gjithashtu, u sekuestrua në cilësinë e provës materiale, shuma e eurove.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.", njoftoi policia.
Komente
