Edhe pse është diçka e çuditshme dhe e padëgjuar, tek speciet e kalit të detit janë meshkujt ata që janë të aftë të lindin kuaj bebe. Kali i detit është shpallur si mashkulli i vetëm në botë që sjell në jetë të vegjlit e tij. VOA ka publikuar një video ku shihet një kalë deti mashkull gjatë procesit të lindjes në Stacionin Detar Smithsonian.
Specialistët thonë se kali i detit mund të lindë deri në 200 bebe në të njëjtën kohë. Vetëm 0,5% e bebeve mbijetojnë deri në moshën madhore në det. Kali i detit i mban vezët për 45 ditë dhe më pas i lind të vegjlit e tij. Sipas një miti kali i detit qëndron pranë partneres së tij për gjithë jetën dhe nuk e ndërron asnjëherë atë. Ai ka aftësi të jashtëzakonshme për tu fshehur, pasi e ndryshon ngjyrën e trupit varësisht nga ambienti që e rrethon me qëllim që t’iu shpëtoi grabitqarëve të detit.
Kali i detit përdor bishtin e tij për të luftuar nëse është e nevojshme. Luftimet zakonisht bëhen në periudhën e çiftimit. Femrat rrihen më mes veti për të fituar mashkullin, të cilit do të ja deponojnë vezët, e më pas ai do t’i lind ato, me qëllim që të vazhdohet jeta. Po ashtu kali i detit lufton edhe për territor dhe burime të ushqimit.
Komente
