Kaliforni-23-vjeçari kalifornian, Alessandro Slebir, mund të ketë thyer rekordin botëror për dallgën më të madhe të sërfuar ndonjëherë. Dallga ishte pjesë e stuhisë që shkatërroi molin e Santa Cruz-it në Kaliforni muajin e kaluar (dhjetor 2024).
Sipas ekipit të shpëtimit ‘Mavericks Rescue Team’, dallga vlerësohet të jetë gati 33 metra e lartë, çka do të tejkalonte rekordin aktual prej 26 metrash të mbajtur nga Sebastian Steudtner në Portugali.
Përcaktimi i lartësive zyrtare të valëve është mjaft i vështirë. Për valën e Steudtner, u deshën 18 muaj që Guinness World Records t’i jepte zyrtarisht titullin.
“Pavarësisht nga numri, për mua nuk ka rëndësi sa e madhe ishte vala. Ishte me të vërtetë vala më e madhe e jetës sime dhe për momentin asgjë tjetër nuk ka rëndësi,” deklaroi Slebir.
Vala u kap në Mavericks, pranë Gjirit të Half Moon Bay, në bregun verior të Kalifornisë.
Komente
