Kolegji i Posaçëm i Apelimit ka shtyrë për në datën 25 shkurt seancën për prokuroren e Tiranës dhe anëtaren e KLP, Antoneta Sevdari. Ka qenë një përplasje mes Komisionerit Publik dhe trupit gjykues që ka çuar në shtyrjen e afatit të konkluzioneve përfundimtare për Sevdarin. Komisioneri Publik kërkoi riçelje të të hetimit administrativ por kërkesa është refuzuar nga trupi gjykues, cili e ka konsideruar dokumentacionin në dosje si të mjaftueshëm për zgjidhjen e çështjes.
Prokuroroja Antoneta Sevdari u konfirmua në detyrë nga KPK më 13 gusht të 2018 (LEXO KËTU) por do të ishte pikërisht Komisioneri Publik i cili do ankimonte vendimin, me pretendimin se KPK nuk kishte kryer hetim të plotë. Sevdari gjatë seancës së sotme vlerësoi se denoncimi me të cilin u njoh seancën e kaluar nuk kishte asnjë të dhënë e cila lë dyshime për paaftësitë e saj profesionale. Kjo është hera e dytë që KPA shtyn seancën për Sevdarin, ndërkohë ajo se për çfarë po hetohet anëtarja e KLP është mbyllja e dosjes së një ish- krye komunari, i akuzuar për deklarim të rremë fshehje të pasurisë, gjatë kohës kur ajo ishte prokurore në Gjykatën e Shkallës së Parë në Tiranë.
Komente
