Këngëtari shqiptar ka folur për herë të parë për periudhën më të errët të jetës së tij. I ftuar në “Zonë e Lirë”, Kastro Zizo tregoi se ka qenë një periudhë në jetën e tij kur konsumonte alkol jashtë mase saqë i jepte mendime të arrëta.
"Më jepte mendime të errëta, kam menduar për vetëvrasjen. Kam hyrë në javën e tretë të një qartësie të madhe. E gjykoj veten në mënyrën më të madhe të mundshme, kam humbur një pjesë të madhe të situatave më të rëndësishme të jetës time, armiku im më i madh është alkooli. Nuk pi më asgjë, kam kaq shumë ditë qe qesh pa pirë.
Kam filluar vrapin, palestrën do e filloj të hënën. Iku një kapitull shumë i madh i alkoolit dhe derivateve që më shkaktonte në jetën time dhe të personave që më rrethonin.
Ja dola, ndihem një njeri i kthjellët, i freskët, mendoj se bota është aty që unë ta pushtoj dhe do ta pushtoj, i lumtur që dola nga disa tunele që as armikut nuk do t’ja uroj,"- është shprehur Kastro teksa tregon se prej disa javësh ka hequr dorë nga çdo substancë e mundshme.
Komente
