Kandidatja për presidente për demokratët, Kamala Harris ka sulmuar rivalin e saj Donald Trump.
"Unë e njoh tipin e Donald Trump"- tha Harris teksa fliste në selinë e saj ‘të re’, duke kujtuar përvojën e saj si prokurore që paditi mashtruesit dhe abuzuesit seksualë. "Unë dua të fitoj nominimin dhe të fitoj," tha ajo.
“Kur luftojmë, fitojmë”- ishte slogani elektoral i Kamala Harris, duke iu kundërpërgjigjur sloganit "luftën për luftë", të nisur nga Donald Trump menjëherë pasi i mbijetoi një sulmi dhjetë ditë më parë.
Me votën virtuale të mbi 300 delegatëve nga shteti i saj, Kalifornia, Kamala Harris ka një angazhim të një numri të mjaftueshëm delegatësh për të marrë nominimin demokrat për Shtëpinë e Bardhë. Politico dhe CNN raportojnë këtë.
Sipas mediave, nga një sondazh i publikuar mbrëmjen e së hënës, doli në pah se Harris ka mbështetjen e më shumë se 1.976 delegatëve të nevojshëm, për të fituar nominimin.
Votimi do të zhvillohet nga data 1 deri më 7 gusht. Kjo konventë do t’i nisë punimet më 19 gusht dhe do t’i përfundojë në datën 22.
Presidenti amerikan Joe Biden do të kthehet sot në Shtëpinë e Bardhë, pasi kaloi gati një javë në rezidencën e tij personale për t'u shëruar nga Covid dhe për herë të parë që nga braktisja e garës për rizgjedhje. Kjo është ajo që del nga programi i tij zyrtar. Biden pritet të largohet nga shtëpia e tij në Delaware dhe të mbërrijë në Shtëpinë e Bardhë këtë pasdite.
