Ushtarët tajlandezë dhe kamboxhianë vazhdojnë të shkëmbejnë zjarr me mitralozë dhe artileri përgjatë kufirit të diskutueshëm, mes xhunglës dhe gurëve të pjekur nga dielli i tempujve të lashtë, të cilët janë pretenduar dhe janë shënjestruar nga bombat dhe plumbat. Numri i të vdekurve thuhet se ka arritur tashmë në 33. Ndërkohë, udhëheqësit e të dy vendeve po përpiqen të flasin për një armëpushim.
Për këtë qëllim, një ndërmjetësues është futur në konflikt: Kryeministri malajzian Anwar Ibrahim, i cili dje njoftoi se Bangkoku dhe Phnom Penh kishin rënë dakord në parim për një armëpushim dhe tërheqje të trupave nga kufiri. Megjithatë, për ta bërë këtë, ata kanë kërkuar më shumë kohë. Ibrahim tha se kishte zhvilluar "diskutime pozitive" me Kryeministrin e përkohshëm të Tajlandës, Phumtham Wechayachai, dhe Kryeministrin e Kamboxhias, Hun Manet, duke shprehur mirënjohje që të dy iu përgjigjën thirrjes së tij "me respekt".
Sipas Ministrisë së Jashtme të Malajzisë, aktualisht kryetari i Shoqatës së Kombeve të Azisë Juglindore (ASEAN), Anwar Ibrahim u bëri thirrje të dy udhëheqësve për një "armëpushim të menjëhershëm" për të parandaluar armiqësi të mëtejshme dhe për të krijuar hapësirë për "dialog paqësor dhe një zgjidhje diplomatike". Ai ofroi mbështetjen e ASEAN për të lehtësuar kërkimin e një zgjidhjeje të pranueshme reciprokisht. Ndërkohë, ata vazhdojnë luftën e tyre për rrënojat e tempujve që kanë qenë një burim fërkimesh midis dy kombeve për dekada: Preah Vihear dhe Prasat Ta Muen Thom. Është e qartë se për Bangkokun dhe Phnom Penh-in, është e rëndësishme, në këtë pikë, të "shpëtojnë fytyrën" dhe t'i japin fund krizës duke ngritur flamurin e fitores, sado të kufizuar qoftë.
Kamboxhia pulbikisht kërkon armëpushim
Kamboxhia kërkoi një armëpushim "të menjëhershëm" dhe "të pakushtëzuar" me Tajlandën gjatë një takimi urgjent të Këshillit të Sigurimit të OKB-së mbi përplasjet midis dy vendeve. "Kamboxhia ka bërë thirrje për një armëpushim të menjëhershëm dhe të pakushtëzuar, dhe ne bëjmë thirrje për një zgjidhje paqësore të konfliktit", u tha gazetarëve ambasadori i Kamboxhias në OKB, Chhea Keo, pas takimit me dyer të mbyllura. Asnjë pjesëmarrës tjetër nuk u përgjigj.
//Corriere //Ansa
Komente
