Tiranë- Policia e kryeqytetit finalizoi sot (14 Shkurt) një operacion të koduar “Feedback”, i akuzuar për zjarrvënie makinash dhe vjedhje, teksa më parë ka qenë i proceduar edhe për drogë.
Ngjarja ka ndodhur gjatë muajit shkurt 2025, kur i arrestuari Ilirjan Gjuni, dogji një automjet, tentoi të digjte një automjet tjetër dhe vodhi një monopatinë.
Policia bëri me dije se 32-vjeçari ëhstë me precedent të theksuar kriminal në fushën e vjedhjes dhe fushën e narkotikëve.
Gazetari i Report TV, Sokol Dema, informon se gjithashtu gjatë kontrollit iu sekuestruan 2 maska, 2 jelekë multifunksionalë si ato të Policisë dhe 1 shkop bejsbolli. Policia ka siguruar edhe pamje filmike nga kamerat e sigurisë, ku autori i dyshuar dallohet në veprime të paligjshme.
Njoftimi i Policisë:
“Specialistët për Hetimin e Krimeve të Komisariatit të Policisë Nr. 5, si rezultat i veprimeve hetimore të kryera në kuadër të operacionit “Feedback”, për zbardhjen e djegies së një automjeti, kanë identifikuar, kapur dhe vënë në pranga shtetasin: I. Gj., 32 vjeç, banues në Paskuqan.
Vijojnë veprimet hetimore për zbardhjen e plotë të veprimtarisë kriminale të këtij shtetasi. Materialet procedurale i kaluan Prokurorisë, për veprime të mëtejshme.
Komente
