KAMWZ - Policia ka finalizuar me sukses operacionin e koduar “Mjetet”, duke zbardhur një rast vjedhjeje të ndodhur më 10 janar 2025, në një shkollë në Babrru. Si rezultat, u arrestua shtetasi E. N., 19 vjeç, një nga autorët kryesorë të vjedhjes.
Ndërsa u proceduan në gjendje të lirë 2 bashkëpunëtorët e tij, të moshave 14 dhe 17 vjeç, nxënës të kësaj shkolle.
Këto pajisje ishin fshehur nga autorët dhe u sekuestruan me cilësinë e provës materiale.
'Si rezultat i veprimeve të shpejta dhe profesionale hetimore, të kryera në kuadër të operacionit “Mjetet”, u identifikuan autorët e dyshuar të rastit. Njëri prej tyre, shtetasi E. N., 19 vjeç, u kap dhe vu në pranga, ndërsa për 2 bashkëpunëtorët e tij, të moshave 14 dhe 17 vjeç (nxënës të kësaj shkolle), filloi procedimi në gjendje të lirë. Pajisjet e vjedhura, konkretisht: 3 kompjuterë, 1 laptop, 5 tastiera kompjuteri, 3 monitorë, 1 celular dhe 2 bokse, u gjetën të fshehura nga këta 3 shtetas dhe u sekuestruan nga Policia, me cilësinë e provës materiale.', njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë për veprime të mëtejshme.
Komente
