Në Uzbekistan është duke u zhvilluar Kampionati Botëror i Boksit për vitin 2023. Në këtë aktivitet Shqipëria përfaqësohet me disa sportistë. Denis Nurja ka qenë i pafat në ring, teksa është mposhtur nga rivali nga Trinidad dhe Tabago, Prince Aaron.
Për turin e 1/64, Nurja ka humbur me pikë. Gjyqtarët votuan 4-1 për rivalin nga ishulli në Amerikën Latine. Nurja dominoi në raundin e parë, teksa çaloi në ata pasardhës, duke i dhënë terren kundërshtarit për të marrë në fund një fitore dhe siguruar kalimin në turin e radhës.
Denis Nurja garoi në peshën deri në 71 kilogramë, teksa në ring sot do ngjitet edhe Krenar Zeneli në kategorinë 60 kilogramë, duke u përballur me spanjollin Quiles Brotons Jose.
Komento
