Kampioni i ri i botës për kujtesën më të fortë është një italian 20-vjeçar.
Andrea Muzii studion për mjekësi dhe ia doli të sfidojë konkurrencën e 170 “atletëve të mendjes” duke fituar në Kampionatin Botëror të Kujtesës që u mbajt në Kinë me 8170 pikë.
Andrea tashmë mban dhe 5 rekorde botërore, pas Kampionatit Europian në vitin 2019.
“Duhet të stërvitesh në mënyrë konstante, nuk është një dhunti natyrore. Është e nevojshme të njohësh teknikat antike të kujtesës”, ka thënë Andrea.
Studenti 20-vjeçar arriti të mposhte në finalet e kësaj gare kaq të veçantë dy konkurrentë të fortë nga Mongolia që e mbyllën garën e kujtesës me 7203 pikë dhe 7112 pikë.
Andrea Muzii e nisi konkurrimin e tij një vit më parë, por tashmë e ka treguar që është një kampion i vërtetë për kujtesën, duke thyer rekord.
Ai arriti të mbante mend radhën e 1829 letrave bixhozi.
Tani sfida e ardhshme për italianin do të jetë në vitin 2020 në Dubai.
Komente
