Nga kanabisi deri tek kanosja me fjalë për motive të dobëta, janë disa nga shkaqet që kanë cuar pas hekurave një 31-vjeçar dhe kanë vënë nën hetim 4 persona të tjerë.
Policia Elbasan ka vënë në pranga G. D., 31 vjeç, banues në Elbasan, pasi në lagjen "Partizani", uniformat blu i kanë gjetur gjatë kontrollit fizik, një sasi kanabisi, e cila u sekuestrua në cilësinë e provës materiale.
Ndërsa 4 persona të tjerë janë vënë nën hetim.
Konkretisht, nga Policia Rrugore u arrestua K. H., 53 vjeç, banues në Librazhd, pasi ka përplasur automjetin e tij me një automjet tjetër dhe është larguar nga vendi i aksidentit. Pasi është kapur nga shërbimet e Policisë, ka rezultuar se ishte në gjendje të dehur.
Ndërsa B. A., 47 vjeç dhe J. M., 30 vjeç, të dy banues në Librazhd, janë vënë nën hetim pasi janë konfliktuar me njëri-tjetrin, për motive të dobëta.
Po ashtu nën hetim është vënë edhe A. B., 43 vjeçe, banuese në Librazhd, pasi ka kanosur me fjalë dhe mesazhe një 36-vjeçar, për motive të dobëta.
Materialet procedurale i kaluan Prokurorisë Elbasan, për veprime të mëtejshme.
