Foto ilustruese

Kronikë

Kanabis, vjedhje dhe dhunë në familje, arrestohen 4 persona në Tiranë! Një 37-vjeçare në kërkim të të birit të zhdukur

9 Maj 2023, 09:54| Përditesimi: 9 Maj 2023, 09:56

  • Share

Katër persona janë arrestuar nga policia  e Tiranës për vepra të ndryshme penale, ndërsa një 37-vjeçare ka bërë kallëzim për zhdukjen e djalit të saj, i cili ishte larguar nga banesa.

Një 38-vjeçar me iniciale A. C., është vënë në pranga, pasi gjatë kontrollit fizik dhe kontrollit në automjetin që ai drejtonte, uniformat blu i kanë gjetur sasi të vogla lëndësh narkotike kokainë dhe kanabis, të cilat u sekuestruan në cilësinë e provës materiale.

Ndërsa një 35-vjeçar me iniciale L. T është arrestuar gjithashtu, pasi gjatë një kontrolli fizik, iu gjetën dhe iu sekuestrua, një sasi e vogël kokaine.

Më tej policia ka njoftuar se një 45-vjeçar me iniciale M. X., është vënë në pranga pasi është kapur duke vjedhur disa produkte në një market.E gjatë shoqërimit për në komisariat ai ka kundërshtuar punonjësin e Policisë. 

Gjithashtu në prangat e bluve të Tiranës, ka rënë një 28-vjeçar me iniciale K. E., pasi ka ushtruar dhunë ndaj babait të tij.

Ndërsa një 37-vjeçare i është drejtuar policisë për të bërë kallëzim për djalin e saj, i cili është larguar nga banesa.Nëna 37-vjeçare dhe uniformat blu po vijojnë kërkimet për 20-vjeçarin e zhdukur

M.T/ReportTv.al
Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?