Kanadaja dhe Malta njoftuan të mërkurën se planifikojnë të njohin zyrtarisht shtetin e Palestinës në Asamblenë e Përgjithshme të Kombeve të Bashkuara në shtator, duke iu bashkuar Francës dhe Mbretërisë së Bashkuar.
Kryeministri Mark Carney tha se ky veprim varet nga reformat demokratike, përfshirë mbajtjen e zgjedhjeve nga Autoriteti Palestinez vitin e ardhshëm pa Hamasin.
"Niveli i vuajtjeve njerëzore në Gaza është i patolerueshëm", theksoi Mark Carney për gazetarët.
Malta ka mbështetur prej kohësh sovranitetin palestinez dhe vetëvendosjen e qytetarëve të saj. Christopher Cutajar, sekretari i përhershëm në Ministrinë e Jashtme të Maltës, e bëri njoftimin më parë në një konferencë të Kombeve të Bashkuara mbi një zgjidhje me dy shtete.
“Si aktorë përgjegjës, ne kemi detyrën të punojmë për të përkthyer konceptin e një zgjidhjeje me dy shtete nga teoria në praktikë”, tha Cutajar.
Vendimet e këtyre dy vendeve vijnë një ditë pasi Mbretëria e Bashkuar njoftoi se do të njihte shtetin palestinez në shtator nëse Izraeli nuk pranonte një armëpushim dhe kushte të tjera dhe një javë pasi Franca zbuloi një plan të ngjashëm.
Kjo gjë përfshin njohjen e sovranitetit dhe pavarësisë së Palestinës brenda kufijve të saj të luftës në Lindjen e Mesme para vitit 1967. Kjo përfshin Bregun Perëndimor, Gazën dhe Jerusalemin Lindor.
147 shtete anëtare të Kombeve të Bashkuara, përfshirë edhe dhjetë shtete anëtare të Bashkimit Evropian, tashmë e kanë njohur shtetin e Palestinës.
Ministria e Jashtme e Izraelit e cilësoi "një shpërblim për Hamasin” njoftimin e Kanadasë.
"Plani i Kanadasë dëmton përpjekjet për të arritur një armëpushim në Gaza dhe një kuadër për lirimin e pengjeve”, theksohet ndër të tjera në postimin e publikuar e X.
Konservatorët e Kanadasë gjithashtu e kundërshtuan njoftimin e Carney-t.
"Njohja e një shteti palestinez pas mizorive terroriste të 7 tetorit i dërgon botës mesazhin e gabuar", tha partia opozitare në një deklaratë.
Presidenti i SHBA-së, Donald Trump, e intensifikoi luftën e tij tregtare me Kanadanë një ditë përpara afatit të tij të 1 gushtit për një marrëveshje doganore, duke thënë se do të ishte "shumë e vështirë" të arrihej një marrëveshje me Kanadanë, pasi kryeministri i saj tha se planifikon ta njohë Palestinën si shtet.
Trump pritet të vendosë një tarifë doganore prej 35% për të gjitha mallrat kanadeze që nuk mbulohen nga marrëveshja tregtare SHBA-Meksikë-Kanada nëse të dy vendet nuk arrijnë një marrëveshje brenda afatit të caktuar.
Komente
USA pishtari i demokracise dhe te drejtave te njeriut, wow
PërgjigjuShteti i Izraelit akoma nuk po e kupton që është pikërisht ai vetë që po shpërblen Hamasin. Izraeli duhej të ishte flamurtari i luftës kundër spastrimit etnik sepse e ka vuajtur vetë holokaustin. Është makabre të shikosh se si vriten civilë dhe mbi të gjitha fëmijë në një luftë. Aq më keq që të vdesin urie civilë e fëmijë nga mos aksesi në ndihma, është e tmerrshme. Izraeli padiskutim ka të drejtën e vetëmbrojtjes si çdo shtet tjetër. Por të justifikosh vrasjen e civilëve dhe ndalimin e ndihmave humanitare me arsyen e vetëmbtojtjes kjo është hipokrizi në rastin më të mirë. Them në rastin më të mirë sepse mund të jetë padituri. Por kam frikë që është me vetëdije të plotë vrasja e civilëve për t’i shtyrë këta të fundit largohen nga toka e tyre. Është e papranueshme. Dhe gjëja më e keqe është që kjo bëhet me bekimin e SHBA. Ndërkohë që z. Trump deklaron përditë për armëpushim midis Rusisë dhe Ukrainës, mirëpo asnjë fjalë për masakrat e përditshme që bën Izraeli ndaj palestinezëve dhe për më tepër as ndihmat nuk arrijnë në duart e popullatës. Historia do e tregojë që Izraeli po bën të njejtën gjë si bëri dhe Gjermania naziste kundër vetë hebrenjve.
Përgjigjubla bla bla, thjesht fasade. Vazhdojn me financu shtetin terrorist te Izraelit e nga ana tjeter mendojn qe shperlajn ndergjegjen e tyre me kete njohje qe nuk ka per te sjelle asgja se shteti sionist ka me vazhdu me vra ne Gaza e ne bregun perendimor pa pik problemit
Përgjigju