Edhe pse përmbytjet në zonën e Bilajt në rrethin e Krujes janë një problem shumë shqetësues për banorët e zonës, akoma nuk është marrë asnjë masë për ta ndryshuar këtë situatë. Të gjitha kanalet kulluese janë të papastruara dhe të mbuluara me ferra, duke u bërë shkak që në periudhën e shirave zona të përmbytet 5 -6 herë në vit. Nga përmbytjet e kësaj zone dëmet kanë qenë të konsiderueshme.
Mospastrimi i kanaleve vjen për 20 e ca vite, nuk janë rregulluar përgjatë verës. Vjet na përmbyti lumi, shkoi 1 metër në shtëpi edhe presim që të vijë dimri e të rregullohen kanalet. Ne përmbytemi 6 herë në vit nga uji, asnjë shpërblim s’ka kanë dhënë. Kanalet kulluese nuk i prek njeri me dorë, kërrkund.
Banorë të zonës
Banorët e zonës shprehen tepër të shqetësuar pasi me ardhjen e vjeshtës, përmbytjet mund të jenë sërisht prezente. Ndërsa pavarsisht situatës në të cilën është përfshirë kjo zonë disa herë akoma nuk janë dëmshpërblyer për dëmet e shkaktuara në të kaluarën.
Komente
