Kandidati i ekstremit të djathtë për president në Francë, Eric Zemmour është sulmuar në tubimin e tij të parë të fushatës.
Ndërsa 63-vjeçari lëvizte mes turmës për të shkuar drejt podiumit e për të mbajtur fjalën e tij, një burrë e kapi për nga qafa përpara se oficerët e sigurisë të ndërhynin. Sipas mediave të huaja ai ka pësuar lëndime te kyçi i njërës dorë dhe se mjekët i kanë rekomanduar 9 ditë pushim.
Ish-gazetari dhe eksperti njihet për pikëpamjet e tij të diskutueshme mbi emigrantët dhe Luftën e Dytë Botërore.
Zemmour njoftoi të martën kandidaturën e tij në zgjedhjet presidenciale franceze të vitit 2022. Ai është në garë me Marine Le Pen.
Incidenti në të cilin Zemmour u sulmua u pasua më pas nga disa përleshje të dhunshme. Rreth 10,000 njerëz thuhet se dolën në tubim, me mijëra demonstrues kundër politikanit të ekstremit të djathtë, dhjetëra prej të cilëve u arrestuan.
Komente
