Kandidati presidencial i ekstremit të djathtë francez Eric Zemmour tha të dielën se do të dëshironte që Franca të largohej nga Organizata e Traktatit të Atlantikut të Veriut.
"Unë do të doja që Franca të tërhiqej nga komanda e përbashkët ushtarake e NATO-s," u tha Zemmour mbështetësve të tij gjatë një mitingu në qendrën e ekspozitës Villepinte në periferi të Parisit.
Kandidati presidencial theksoi gjithashtu se populli francez "nuk do të jetë kurrë vasal i Bashkimit Evropian", si dhe njoftoi krijimin e lëvizjes së tij politike, të quajtur Reconquest (Reconquete).
"Ripushtimi është emri i lëvizjes që kam vendosur të krijoj... Unë dua që Franca të bëhet edhe një herë një komb industrial i klasit botëror," tha Zemmour.
Kandidati propozoi gjithashtu dëbimin e të gjithë emigrantëve të paligjshëm nga Franca dhe heqjen e shtetësisë franceze të kriminelëve që janë gjithashtu shtetas të vendeve të tjera. Zemmour planifikon t'i vendosë këto propozime në një referendum.
Zemmour, i cili më parë njihej në Francë si një ekspert kontrovers i ekstremit të djathtë, njoftoi kandidaturën e tij për president në fillim të javës.
Komente
Edhe une do te doja qe t'a nxjerresh Francen nga nga NATO,te shikoja sa te afte jane francezet te vetembrohen.Dy luftera boterore dhe u desh nderhyrja e aleateve qe te nxirrnin te ashtuquajturen /ushtrine e lavdishme/ franceze nga balta e llogoreve e L.I.B.,se sa per L.II.B.nuk ka diskutim, dihet kush ishin clirimtaret.
Përgjigju